Cayetano: house arrest kay Enrile ‘di puwede!
MANILA, Philippines - Mariing tinutulan ni Senate Majority Floor Leader Alan Peter Cayetano na maisailalim sa house arrest si Senate Minority Leader Juan Ponce Enrile sa sandaling magpalabas na ng warrant of arrest ang Sandiganbayan.
Ayon kay Cayetano, maaaring ikonsidera ang kalusugan at edad ni Enrile kung saan siya dapat ikulong pero hindi ito dapat ilagay sa kanyang sariling tahanan at sa halip ay dapat sa hospital arrest.
Naniniwala si CaÂyetano na maituturing na special treatment kung sa sariling bahay ikukulong ang senador na nahaharap sa kasong graft at plunder kaugnay sa pork barrel fund scam.
Pero idinagdag ni CaÂyetano na hindi lamang naman ang mga nakakulong na senador ang dapat binibigyan ng makataong pag-trato kung hindi maÂging ang mga nakakulong sa mga ordinaryong bilangguan.
Pero naniniwala si Cayetano na bagaman at nagbigay ng pahayag si Pangulong Benigno Aquino III na dapat ikonsidera ang kalusugan at edad ni Enrile, hindi naman maaaÂring impluwensiyahan ng sinuman ang korte.
Dapat umanong ipaubaya sa korte kung saan dapat ilagay si Enrile.
Bukod kay Enrile, nahaharap din sa kasong plunder at nakakulong na ngayon sina Senators Jose “Jinggoy†Estrada at Ramon “Bong†Revilla Jr.
- Latest
