2 kelot arestado sa paghahagis ng granada
MANILA, Philippines - Dalawang lalaki ang dinakip ng pulisya dahil sa umano’y paghahagis ng granada sa himpilan ng pulisya sa Maynila, kamakalawa ng hapon, sa Tondo, Maynila.
Sa isinagawang follow-up operation nadakip ang mga suspects na kinilalang sina Alfredo Roy Elgarico, alyas “Pikitâ€, 21, walang trabaho at residente ng no. 2280 Malaya st., Balut, Tondo at nahulihan umano ng kalibre .45 baril at 6 na pirasong plastic sachet ng shabu at si Jay-Ar Castolome, 31, na nahulihan din ng kalibre.38 baril at 12 pirasong plastic sachet na hinihinalang shabu.
Batay sa impormasyon ng Manila Police District (MPD), ang dalawang suspects ang posibleng naghagis ng granada sa harapan ng MPD-station (Raxabago) dakong alas-3:45 ng hapon nitong Huwebes, kung saan nasunog ang sasakyan ng station commander na si P/Supt. Julius Anonuevo, na Toyota Vios (ZFN-447), kulay gray at nadamay din ang isang nakaparadang motorsiklo, sa tapat ng mismong himpilan.
Isinasailalim pa sa masusing beripikasyon ang dalawa hinggil sa mga iligal na aktibidades nito dahil sa nakalap din ng mga awtoridad na impormasyon na kasamahan ng mga ito ang isang kilalang tulak umano ng iligal na droga na si alyas “Brix†na nakapiit pa sa New Bilibid Prison (NBP).
Isang kulay pink na motorsiklo rin ang pinigil ng MPD na sinasabing ginamit na get-away vehicle ng dalawa matapos ang paghahagis ng granada.
- Latest
