Enrile at Gringo wala sa listahan ng anibersaryo ng People Power 1

MANILA, Philippines - Kinumpirma kahapon ni deputy presidential spokesperson Abigail Valte na hindi niya nakita ang pangalan nina Senators Juan Ponce Enrile na  nasasangkot ngayon sa P10 bilyong pork barrel fund scam at Gringo Honasan sa “short briefer” na ipinadala ng Edsa People Power Commission kung saan nakasulat ang mga personalidad na dadalo sa pagdiriwang at tanging si Pangulong Fidel V. Ramos lang ang kanyang nakita.

Si Ramos umano ang nakatakdang mag-alay ng bulaklak sa Libingan ng mga Bayani.

Naniniwala si Valte na hindi makakaapekto sa diwa ng EDSA ang pagkakadiin ng ilang key players sa pork barrel scam katulad nina Enrile at Honasan.

Sinabi ni Valte na ang EDSA ay para sa mga tao at hindi ito maaapektuhan ng mga problemang kinakaharap ngayon ng mga personalidad na nanguna sa tahimik na rebolusyon na nagpatalsik sa dating diktador.