Rufa Mae Quinto umuwi ng Pinas, sumuko sa NBI

MANILA, Philippines — Sumuko na kahapon si Rufa Mae Quinto sa National Bureau of Investigation (NBI) kaugnay ng kasong kinakaharap niya matapos ang warrant of arrest na inilabas ng korte sa Pasay.

Nabatid na kadara­ting pa lang ng aktres kasama ang kaniyang pamilya sa ­­Ninoy ­Aquino International Airport (NAIA) Terminal 1 kahapon ng madaling araw, nang makipag-ugnayan sa NBI para sa kaniyang pagsuko.

Sinabi ni NAIA-NBI Chief Jimmy De Leon na nakipag-coordinate ang abogado ni Quinto sa NBI para sa kaniyang boluntaryong pagsuko.

Sumailalim muna si Quinto sa medico-legal examination bago dinala sa korte ng Pasay.

Nahaharap sa kaso ang aktres kaugnay sa isyu ng Dermacare, ang parehong kumpanyang sangkot sa pag-aresto kay Neri Naig.