UST scholar natagpuang patay sa dormitoryo
MANILA, Philippines - Isang magna cum laude at iskolar na medical student ng University of Sto. Tomas (UST) ang natagpuang patay sa kanyang dormitoryo sa University Belt sa Maynila.
Nasa state of decomposition na nang matagpuan ang bangkay ng biktimang si Kelvin Teodoro Descutido, 21, binata, tubong Talim Island, Binangonan, Rizal at nanunuluyan sa no. 1247 Rosarito St., Sampaloc, Maynila at kasalukuyang 2nd year post graduate sa
Doctor of Medicine ng UST.
Sa ulat, dakong alas 2:30 ng hapon noong Martes nang madiskubre ang bangkay ng biktima.
Ayon kay Mark Vincent Dimayacyac, 21 medicine student, naisipan niyang puntahan sa dormitory ang biktima dahil nagtataka ito sa hindi nito pagpasok ng dalawang araw, gayung masipag umano ito sa pag-aaral.
Dahil na rin sa napapansin ng mga katabing kuwarto ang masangsang na amoy mula sa kuwarto ay sumama pa ang caretaker na si Elisa Mahusay, 37 na humingi ng tulong sa barangay.
Puwersahang binuksan ang kuwarto ng biktima at dito ay tumambad ang wala nang buhay na si Descutido na kung saan ay walang nakitang sugat o indikasyon na pinahirapan ito.
- Latest
- Trending
