2 Drug Pusher arestado!

MANILA, Philippines - Arestado ang dalawang drug pushers sa mga tauhan Quezon City Police District sa isinagawang magkahiwalay na buy-bust operation sa lungsod kamakalawa ng gabi.

 Ayon sa ulat ng QCPD’s District Anti-Illegal Drugs-Special Operations Task Group (DAID-SOTG) nakilala ang mga nadakip na sina Norodin Akob, 25, at Ronald Martin, 41.

 Si Akob ay nadakip sa isang buy bust operation sa harap ng isang liblib na lugar sa Bukid Compound, Margarita St., Barangay Gulod, Novaliches, Quezon City, ganap na alas 8:30 ng gabi.

 Narekober kay Akob ang limang piraso ng plastic sachets na naglalaman ng ipinagbabawal na gamot o shabu.

Alas 10:30 ng gabi naman nang magsagawa ng buy bust operation ang DAID-SOTG laban kay Martin sa harap ng bahay nito sa  #87 Mascardo St., Barangay Milagrosa, Project 4, Quezon City.

Nabawi kay Martin ang isang plastic sachet na naglalaman ng droga.

Ang dalawa ay nahaharap ngayon sa paglabag sa Section 5 (Sale of Danegrous Drugs), Article II ng Comprehensive Dangerous Drugs Act of 2002. ­