Wanted sa Malabon, tiklo
MANILA, Philippines - Tiklo sa mga tauhan ng Malabon City Police ang isang suspek sa pagpatay na siyang ika-8 sa talaan ng Most Wanted sa lungsod, kamakalawa ng hapon.
Nakilala ang nadakip na si Joselito Macampara, 53-anyos, residente ng Catmon, Malabon at nahaharap sa kasong murder.
Sa rekord ng pulisya, napaslang ni Macampara noong Enero 21, 2009 ang kapitbahay na si Rolando Adriano. Nabatid na unang nagtalo sina Macampara at Adriano sa pinuntahang lamay ng kanilang kapitbahay bago maganap ang krimen.
Kinabukasan, inabaÂngan ng suspek ang pagdaan ni Adriano sa may Tiago Street, Acacia Malabon, saka ito pinagsasaksak hanggang sa mapatay. Nagtago naman sa mga otoridad ang suspek makaraan ang krimen.
Kamakalawa ng hapon, nakatanggap ng impormasyon ang pulisya sa pagbalik ni Macampara sa kanyang bahay sanhi upang isagawa ang operasyon. Hindi na nakapalag ang suspek nang mapalibutan siya ng mga pulis at inihain ang warrant of arrest laban sa kanya.
Nanawagan naman ang lokal na pulisya sa mga residente ng Malabon na makipagtulungan sa pulisÂya at isuplong ang mga kriminal na pinaghahanap ng batas na maaaring kapitbahay lamang nila upang mapanagot sa kanilang mga krimen.
- Latest
