2-anyos nalunod sa balde ng tubig

MANILA, Philippines — Natagpuang patay habang nakalublob ang ulo sa balde ng tubig ang isang 2-anyos na batang lalaki sa loob ng kanilang bahay sa Brgy. Commonwealth, Quezon City, kamakalawa ng gabi.

Sa imbestigasyon ng Quezon City Police District - Criminal Investigation and Detection Unit, bandang alas-6:00 ng gabi nang madiskubre ang bangkay ng biktima sa loob ng bahay sa Litex Market Compound, ng nasabing barangay.

Ayon sa pahayag ng lola sa pulisya, na nakita pa niyang naglalaro ang apo bandang ala-5:00 ng hapon at alas-6:00 ng gabi ng magising siya at hinanap ang apo.

Laking gulat na lamang niya nang makitang nalunod na sa balde ang biktima. Isinugod pa Rosario Maclang Hospital ang biktima subalit, idineklara ring dead-on-arrival.