OWWA, POEA buwagin na – solon
MANILA, Philippines - Nais ni Pangasinan Rep. Rosemarie Arenas ang pagbuwag sa Overseas WorÂkers Welfare AdmiÂnistration (OWWA) at sa Philippine Overseas Employment Administration (POEA).
Base sa House Bill 191 na inihain ni Arenas, ito ay upang bigyang daan ang pagtatatag ng Department of Overseas Workers (DOW) na siyang hahawak sa deployment o repatriations ng mga Overseas Filipino Workers (OFW).
Nakasaad pa sa panukala na ililipat sa DOW ang kapangyarihan at functions ng OWWA, POEA at iba pang kaukulang ahensiya sa ilalim ng Department of Labor and Employment (DOLE) at Department of Foreign Affairs (DFA).
Paliwanag ng mamÂbabatas, na sa kabila ng malaking kontribusyon ng mga OFW sa bansa ay wala kahit isang ahensiya ng gobyerno na tumutuÂgon sa kanilang mga paÂngangailangan.
Ito ay base umano sa ulat ng Commission on Filipinos Overseas na mayroong 8,579,378 na Filipino overseas at mahigit sa kalahati nito na 4,522,434 ay pawang mga temporary workers.
Bukod dito ang mga OFW din umano ang nagpapataas ng ekonomiya ng Pilipinas lalo na kung may krisis pang ekonomiya sa bansa.
Idinagdag pa ni Arenas na panahon na para i-realign ng pamahalaan ang resources nito para matutukan ang mga OFW at dapat magkaroon ng isang ahensiya na siyang titingin sa kapakanan ng mga manggagawang Pinoy sa ibang bansa at kanilang pamilya.
- Latest
