Electrician, inutas ng apat

MANILA, Philippines - Utas ang isang electrician makaraang pagbabarilin ng apat na hindi pa kilalang armadong suspek sa Quezon City, kahapon ng umaga.

Ang biktimang si Romeo Nipa, 35, ay nagtamo ng 20 tama ng bala sa ibat-ibang parte ng kanyang katawan ay iniwan nakasubsob sa kalsada sa Labrador Compound, Himalayan Road, Barangay Pasong Tamo sa lungsod.

Ayon kay PO2 Romeo Nino II ng Criminal Investigation and Detection Unit ng Quezon City Police District, ang insidente ay naganap dakong alas-9:00 ng umaga.

Habang masayang nakikipag-inuman sa kanyang bayaw at ilang kaibigan nang dumating ang apat na suspek saka puntiryahin ang biktima.

Hindi naman idinamay ng mga suspek ang mga kasama ng biktima sa inuman kaya hinala ng pulisya na paghihiganti o kaya’y matinding galit ang motibo ng krimen.