8 bala ibinaon sa trike driver

MANILA, Philippines - Isang 42-anyos na tricycle driver ang nasawi matapos siyang pagbabarilin ng mga suspek na sakay ng SUV sa kahabaan ng highway, Brgy. Banaba, Silang, Cavite kamakalawa.

Ang biktima ay nakilalang si Jose Froilan Austria, residente ng Excess lot, Brgy. Narra 1 ng bayan ding ito na nagtamo ng walong tama ng bala sa iba’t ibang bahagi ng katawan.

Hindi pa kilala ang mga suspek na sakay ng puting Toyota Avanza na hindi naplakahan.

Sa ulat ng pulisya, ganap na alas-2:00 ng hapon ay minamaneho ng biktima ang kanyang tricycle at huminto sa panulukan ng Brgy. Banaba nang dumating ang sasakyan ng mga suspek.

Pagtapat sa biktima ay walang sabi-sabing pinagbabaril ng mga suspek ang una na duguang bumulagta.