Away sa negosyo ang motibo ng pagpatay sa negosyante
MANILA, Philippines - Malaki ang hinala ng pulisya na away sa negosÂyo ang motibo ng pagbaril at pagpatay sa biktimang si Kelvin Tan, may-ari ng KT Builders Inc., at nakatira sa #16 8th St., New Manila, Quezon City at professional ang gunman dahil sa ulo nila ito binaril at tiniyak na patay ito nang iwan na nakabulagta sa loob ng kanyang sasakyan na ToÂyota Altis noong Lunes ng umaga sa harap ng isang sangay ng Chinabank sa Madison St., San Juan City.
Ayon kay Supt. Remus Medina, hepe ng Intelligence Unit ng EPD, nakita nila sa kuha ng Closed Circuit Television na planado ang ginawang pagpatay sa biktima at hindi man lamang naghaÂlughog ang gunman sa loob ng sasakÂyan ng biktima para hanapin ang pera na winidraw na
P800,000 sa sangay ng China bank sa Ortigas Avenue, Greenhills, San Juan.
Nakita sa CCTV ang gunman na nakasuot ng kulay violet na colored long-sleeve na barong na naglalakad at nasalubong pa nito ang biktima pabalik ng kanyang sasakyan at pagkaupo ay doon ito binaril. Tumawid ng kalsada at umangkas sa kanyang kasama na sakay ng motorsiklo at mabilis na tumakas ang gunman.
- Latest
