Amasona napatay

MANILA, Philippines - Isang babae na mi­yem­bro ng New People’s Army (NPA) ang napatay nang makaengkwentro ang tropa ng pamahalaan kahapon ng umaga sa Brgy. East, Candoni, Negros Occidental.

Batay sa ulat, nagsa­sagawa ang mga sundalo ng Army’s 47th Infantry Battalion sa lugar nang mati­yempuhan ang grupo ng mga rebelde na puwer­sahang nangingikil ng revolutionary tax sa mga sibilyan.

Agad na nagsagupa ang dalawang grupo at napatay ang nasabing ama­sona na tinatayang nasa 25-anyos na inabandona ng mga nagsitakas na kasamahan.

Wala namang naiulat na nasugatan sa panig ng tropa ng mga sundalo sa naganap na bakbakan.