Doha mission
Dalawang windows na lang ang natitira sa FIBA Asia Cup World Cup qualifier, at apat na must-win games ang hinaharap ng Gilas Pilipinas.
Papasok sa November window sa Seremban, Malaysia, nakabaon sa No. 5 ang Team Philippines (4-4) sa Group E sa likod ng Australia (8-0), New Zealand (6-2), Iran (5-3) at Jordan (5-3).
Kulelat ang Syria (2-6) sa rumble para sa Top 3 na automatic papasok sa World Cup na lalaruin sa Qatar next year.
Nabuhay ang tsansa ng Gilas nang i-sweep ang last window – humugot ng 82-81 win over Jordan at 68-56 win over Iran.
At tataas ang kanilang pag-asa kung maituloy ang ratsada, at talunin ang Syria sa Nov. 27 at Iran sa Nov. 29.
Pangungunahan ni bagong naturalized player Bennie Boatwright ang Seremban mission.
Welcome returnee si Rhenz Abando at sasalang muli si Kai Sotto – salamat naman! – kasama sina Dwight Ramos, AJ Edu, Scottie Thompson, Chris Newsome, CJ Perez, Juan Gomez de Liaño, Kevin Quiambao, Quentin Millora-Brown at Mike Phillips.
Pahinga na si June Mar Fajardo.
May height, firepower at sana ay meron din kikig ang Seremban mix ni coach Tim Cone na habol panatilihin ang pag-asang marating ang fourth straight World Cup stint.
Nakabalik ang Pilipinas sa World Cup after 36 long years noong 2014 sa Seville, Spain. Nasundan ito ng kampanya sa 2019 China at 2023 Manila.
Mapait ang resulta ng kanilang huling salang sa laban sa katatapos na Asian Games sa Nagoya, Japan. Maaampat ang pait at sakit kung marating ang Doha WC.
- Latest
