^

PM Sports

Silver itinakbo ni Cesar sa Youth Olympics

Chris Co - Pang-masa

MANILA, Philippines — Ibinuhos ni trackster Naomi Marjorie Cesar ang buong lakas nito upag maibigay ang unang medalya ng Team Philippines sa 4th Youth Olympic Games na ginaganap sa Dakar, Senegal.

Iniluklok ni Cesar ang Pilipinas sa medal tally nang angkinin nito ang pilak sa women’s 800m event kahapon sa Complexe Iba Mar Diop Stadium.

“I worked so hard for this so I told myself I’m not going to come home in fourth place,” ani Cesar na gold medalist sa 2025 Southeast Asian Games sa Bangkok, Thailand.

Naisumite ni Cesar ang impresibong dalawang minuto at 9.34 segundo para matiyak ang podium finish at matuldukan ang pagkauhaw ng Team Phi­lippines sa medalya sa naturang torneo.

Nangibabaw si Netsanet Selemon ng Ethiopia na may malayong 2:04.43 na naitala habang nagkasya naman sa tanso si Khadija Elmostaqim ng Morocco na may 2:10.05.

Maganda ang naging estratehiya ni Cesar na sumabay lamang sa daloy ng takbo bago umarangkada sa huling 100 metro ng karera para makuha ang pilak.

“I was kind of waiting to turn it on in the end and go and just tell myself that when I started, no one can catch me and I can catch whatever I set my sights on so I trusted in myself,” ani Cesar.

Hindi maipaliwanag ni Cesar ang saya nito nang makuha ang medalya sa Youth Olympics.

Ngayong may medalya na ito sa SEA Games at Youth Olympic Games, sunod na tatargetin ni Cesar ang makapasok sa 2028 LA Olympics na idaraos sa California.

Pinuri naman ni Philippine Olympic Committee president Abraham Tolentino ang matikas na ipinamalas ni Cesar.

“Congratulations Naomi, ‘mabuhay ka! We are proud of you for bringing home the silver,” ani Tolentino.

YOUTH OLYMPIC GAMES

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with