Cavaliers dinagit ng Hawks

ATLANTA — Humakot si big man Onyeka Okongwu ng season-high 29 points at 12 rebounds sa 114-111 pagdagit ng Hawks sa Cleveland Cavaliers.

Winakasan ng Atlanta ang kanilang three-game lo­sing slump para sa3-3 record at pinigilan ang three-game winning streak ng Cleveland (3-2).

Idinikit ni Donovan Mitchell ang Cavaliers sa 111-113 mula sa kanyang driving layup sa huling 20.6 se­gundo ng fourth quarter.

 Ang dalawang free throws ni Nickeil Alexander-Walker sa nalalabing 15.3 segundo ang naglayong muli sa Hawks sa 114-111.

Bigo naman si Mitchell sa kanyang dalawang tangka sa huling posesyon ng Cleveland.

Nagdagdag si Alexander-Walker ng 25 points para sa Atlanta, habang may 20 markers si Aaron Wiggins mula sa bench.

Pinamunuan ni James Harden ang Cavaliers sa kan­yang 24 points kasunod ang 22 markers ni Mitchell.

Sa Portland, inilista ni Cameron Boozer ang triple-double na 18 points, 12 rebounds at 12 assists para ga­ba­yan ang humaharurot na Memphis Grizzlies (5-0) sa 124-103 pagdaig sa Trail Blazers (3-1).

Sa New Orleans, tumipa si Jeremiah Fears ng 22 points bukod sa career-high 13 assists para tulungan ang Pelicans (1-4) sa 132-120 pagpapabagsak sa minamalas na Sacramento Kings (0-5).