PVL Crown iuuwi ng EST Cola
MANILA, Philippines — Determinado ang guest team EST Cola na umuwi ng Thailand na dala ang korona ng 2026 Premier Volleyball League (PVL) Invitational Conference.
Lalabanan ng Thai squad ang Nxled Chameleons sa ‘winner-take-all’ one-game championship match ngayong alas-6:30 ng gabi sa Smart Araneta Coliseum.
“I will use my experience from the senior national team to help us. Whether it helps a lot or a little, I will try my best,” ani EST Cola opposite hitter Papatchaya Phontham, ang Best Opposite Spiker sa 2026 Thailand Volleyball League.
Muling makakatulong ng 20-anyos na si Phontham sina Nannaphat Moonjakham, Nirarach Srikuta, Nattharika Wasan at setter Natnicha Saelao.
Sa ikalawang laro sa alas-4 ng hapon muling magtutuos ang 2025 titlist PLDT High Speed Hitters at Creamline Cool Smashers para pag-agawan ang bronze medal, habang sa ala-1:30 ng hapon magkikita ang Farm Fresh Foxies at guest team Ho Chi Minh City ng Vietnam para sa fifth place.
Pinadapa ng EST Cola, kinabibilangan ng mga under-20 players at ilang miyembro ng Thailand national team, ang Ho Chi Minh, 25-19, 26-24, 26-24, para kunin ang unang finals berth.
“We’re just never gonna give up, and we’re gonna keep fighting until the end,” ani MJ Phillips na muling makakatuwang sina Myla Pablo, Jonah Sabete-Escamillan, EJ Carino, Jackie Acuña at setter Gel Cayuna.
Tsansa na ito ng Nxled na makamit ang kauna-unahan nilang PVL title.
- Latest
