20 players pasok sa Alas Pilipinas pool

MANILA, Philippines — Inihayag na ng Philippine National Volleyball Federation (PNVF) ang listahan ng pool na binubuo ng 20 players para sa AVC Women’s Cup na gaganapin sa susunod na buwan sa Candon.

Babanderahan nina Alyssa Valdez at Ara Galang ang kampanya ng Alas Pilipinas sa naturang Asian meet.

“Hopefully, our experience will bring so much more to this team. Not only in terms of playing, but also hopefully helping the coaches guide the players and hopefully inspiring din kami sa loob ng national team,” ani Valdez.

Makakasama nina Valdez at Galang sa wing position sina Tots Carlos, Ces Molina, Jovelyn Gonzaga, Vanessa Sarie, Royse Tubino at Trisha Tubu.

Kasama rin sina middle blockers Thea Gagate, Jaz Ellarina, Clarisse Loresco, Third Tuddao at Nina Ytang habang setters naman sina Kyle Negrito, Tin Ubaldo, Cloanne Mondonedo at Natalie Estreller.

Pasok bilang libero sina Kyla Atienza, Alyssa Eroa at Lara Liva.

Magsisilbing interim coach si veteran mentor Shaq Delos Santos.

Lalaruin ang AVC Women’s Cup sa Candon, Ilocos Sur sa Hunyo 6 hanggang 14 kung saan darating ang 12 bansa na maglalaban para sa korona.

Malaking hamon ito para sa Alas Pilipinas lalo pa’t ilang linggo pa lamang ito nabubuo.

“Siguro realistically, we really cannot predict anything this AVC. We’re formed just recently din. All we could do now is prepare talaga para mabigyan naman natin ng magandang laban kung sino po ‘yung mga makakalaban natin this AVC,” ani Valdez.