Lady Bulldogs balik-Finals
MANILA, Philippines —Balik sa finals ang defending champion National University matapos nilang talunin sa pahirapang laro ang University of Sto. Tomas, 20–25, 26–24, 26–24, 25–21, sa UAAP Season 88 collegiate women’s volleyball na nilaro sa Smart Araneta Coliseum kahapon.
Sina Arah Ella Panique at Evangeline Alinsug ang kumana sa crunch time sa tatlong sets na pinagwagian ng Lady Bulldogs kung saan ay nasilayan ang kanilang determinasyon ng 14,334 fans na nanood sa The Big Dome.
Nakatakdang harapin ng three-peat seeking, Lady Bulldogs ang last year’s runner-up De La Salle Lady Spikers sa finals sa Miyerkules sa SM Mall of Asia Arena sa Pasay City.
“We are just happy that we’re here, we did our best for today’s game, and we’re just going to prepare for the next one. It’s still the same for everyone. We prepare, we do our best, and hopefully we get the championship,” sabi ni NU head coach Regine Diego na makakaharap ang dating mentor nitong si Ramil de Jesus.
Inangklahan ni De Jesus ang Lady Spikers sa 12 championships at ililista nito ang pang 22nd Finals appearance nito para sa Taft-based squad.
Nagtala si Panique ng 23 points mula sa 21 kills at dalawang blocks habang bumakas si Alinsug ng 18 attack points para sa NU.
Kumana din sina middle blockers Minierva Maaya at Alexa Michole Mata ng 14 at 10 points, ayon sa pagkakasunod para sa Lady Bulldogs.
- Latest
