76ers sinilaban ng Heat

MIAMI- Kumana si guard Tyler Herro ng 30 points at humakot si center Bam Adebayo ng 23 points at 16 rebounds sa 119-109 pagsunog ng Heat sa Philadelphia 76ers.

Nag-ambag si Pelle Larsson ng 20 points at career-high 10 rebounds para sa Miami (40-36) na umiiwas mahulog sa play-in tournament.

Nasa ninth spot sila sa Eastern Conference.

Kumamada si center Joel Embiid ng 26 points sa panig ng Philadelphia (41-34) na nakahugot kay guard Tyrese Maxey ng 23 points, 9 assists at 7 rebound.

Nagdagdag si Paul George ng 19 points at may 13 markers si VJ Edgecombe para sa 76ers na nanatili sa seventh spot sa East.

Itinala ng Heat ang 12-point lead sa first quarter bago maiwanan sa halftime, 58-61.

Isang 29-11 atake ang ginawa ng Mia­mi para iposte ang 15-point advantage sa 3:29 minuto ng third quarter.

Naghulog naman ang Philadelphia ng 15-2 bomba patungo sa pagtabla sa 101-101 matapos ang three-point play ni Embiid sa 6:04 minuto ng fourth quarter.

Naagaw ng 76ers ang 107-103 bentahe mula sa three-3-pointer ni Embiid sa hu­ling 3:22 minuto ng laro.

Iniskor ng Heat ang sumunod na 14 points patungo sa kanilang panalo.

Sa iba pang laro, panalo ang Oklahoma City Thunder sa Detroit Pistons, 114-110; wagi ang Los Angeles Lakers sa Washington Wizards, 120-101; dinaig ng Cleveland Cavaliers ang Utah Jazz, 122-113; at tinalo ng San Antonio Spurs ang Chicago Bulls, 129-114.