Leila dinumog ng Pinoy fans

MANILA, Philippines — Matindi pa rin ang karisma ni Brazilian volleyball star Leila Barros sa mga Pinoy fans.

Mahigit 20 taon na ang nakalilipas nang huling maglaro si Leila sa Pilipinas sa FIVB Women’s World Grand Prix na ginanap sa Philsports Arena sa Pasig City.

Sa kanyang pagbabalik, buhay na buhay pa rin ang ‘Leila mania’ matapos ang mainit na pagtanggap ng mga Pinoy fans.

Nasa bansa ngayon si Leila bilang guest of honor sa FIVB Men’s Volleyball World Championship.

Kaya naman pagpasok pa lamang sa arena, dumagundong na ang hiyawan para sa Brazilian star na isa nang senador ngayon sa kanilang bansa.

Hindi maitago ni Leila ang saya na muling makasalamuha ang mga fans nito lalo na ang mga dating nakasama nito noong FIVB Grand Prix.

Sinariwa ni Leila ang karanasan nito sa habang naglalaro kasama ang Brazilian volleyball team.

“The memory that stands out the most is the natural empathy she felt soon as she entered the stadium with Filipino people,” ani Leila.

Kabilang na rito ang mga placards na nakikita nito sa stand gaya ng Leila Marry Me at ng Leila for President.

“It’s funny that when I am here, people are having signs saying ‘Leila for President,’ and ‘Leila Marry Me,’ and it sounds like they could see the future that I will actually become a senator for Brazil,” dagdag ni Leila.

Nais ni Leila na maging bahagi ng pagbabago para sa mga kababaihan at sa pagpapalago at pagpapaganda sa kalikasan.

“As an athlete, I always used my image to defend women and the environment. Now, as a politician, I am working in a broader way, with a macro view for all society, especially for the most vulnerable,” aniya.

Matagal nang nais bumalik ni Leila sa Pilipinas kung saan kaliwa’t kanan ang imbitasyong natatanggap nito.

Masaya ito sa lumago ng husto ang volleyball sa Pilipinas.

“In fact, for years, I’ve been receiving invitations to come to the Philippines. Then the longing really hit. I thought it was the right time to come to the Philippines, because I believe this is the moment when Filipino volleyball is growing,” ani Leila.