Pinoy attackers target maka-podium sa FIVB World Tour
MANILA, Philippines — Mapapalaban ang national beach volley teams kontra sa mahuhusay na spikers mula sa iba’t ibang panig ng mundo sa 2024 FIVB Volleyball World Beach Pro Tour Futures na hahataw ngayong araw sa Nuvali Sand Courts sa Santa Rosa, Laguna.
Apat na teams mula sa Pilipinas ang pasok sa main draw.
Ito ay sina Ran Abdilla at AJ Pareja, at sina Rancel Varga at James Buytrago sa men’s division. Hahataw naman sa women’s division sina Kly Orillaneda at Gen Eslapor, at sina Alexa Polidario at Jenny Gaviola.
Ito ang ikalawang sunod na torneong inorganisa ng Philippine National Volleyball Federation kung saan nauna na ang Asian Volleyball Confederation Beach Tour Nuvali Open noong nakaraang linggo.
Papalo rin sa men’s division ang Germany, Czech Republic, Hungary, Japan, Malaysia, Sweden, Thailand, Turkiye, Latvia at New Zealand.
Sasabak naman sa women’s class ang USA, Canada, Israel, Japan, South Korea, Lithuania, New Zealand, Sweden, Germany, Latvia, Malaysia at Thailand.
- Latest
