Johnson itinakas ang Spurs sa Suns
PHOENIX -- Inagawan ni Keldon Johnson ng bola si Kevin Durant para sa kanyang layup sa huling 1.2 segundo na nagtakas sa 115-114 panalo ng San Antonio Spurs sa Suns.
Bumalikwas ang San Antonio (2-2) mula sa 20-point deficit para wakasan ang kanilang nine-game losing skid sa Phoenix (2-2).
Tumapos si Johnson na ay 27 points para sa Spurs na nakahugot kina top draft pick Victor Wembanyama at Devin Vassell ng tig-18 markers.
“The worst that could happen was they call the foul and they shoot free throws,” ani Johnson. “But we had to make something happen. Time was running down. So my mindset was just make a play on the ball and after that just try to finish it.”
Humataw ng 26 points si Durant sa panig ng Suns habang may 20 at 19 markers sina Eric Gordon at Grayson Allen, ayon sa pagkakasunod.
Hindi naglaro sina injured starting guards Bradley Beal (low back spasms) at Devin Booker (left ankle sprain).
“Yeah, they fouled him. The refs didn’t call it,” wika ni Suns coach Frank Vogel kay Johnson.
Sa Los Angeles, umiskor si Paul George ng 27 points at may 18 markers si Russell Westbrook sa 118-102 paglunod ng Clippers (3-1) sa Orlando Magic (2-2).
Pinanood ni James Harden sa isang kuwarto ang panalo ng Los Angeles team na kanyang lilipatan mula sa trade sa Philadelphia 76ers kasama si PJ Tucker.
Pinamunuan ni Paolo Banchero ang Magic sa kanyang 15 points at may 14 at 13 markers ang magkapatid na Franz at Moritz Wagner, ayon sa pagkakasunod.
Sa Cleveland, nagtala sina Julius Randle at Jalen Brunson ng tig-19 points sa 109-91 paggupo ng New York Knicks (2-2) sa Cavaliers (1-3).
May 18 markers si Immanuel Quickley mula sa bench kasunod ang 16 markers ni RJ Barrett para sa Knicks.
- Latest
