Yap, Soltones nag-TikTok na rin

MANILA, Philippines — Hindi nagpahuli pagdating sa sayawan ang dalawang sikat na manlalaro sa bansa na sina James Yap at Grethcel Soltones.

Gumaya na rin sa pagti-TikTok ang dalawa na umiindak sa harap ng camera at kanilang shinare sa mga fans at netizens sa Instagram.

Napa-Marikit dance challenge  si Soltones na may IG name na Lady Beast habang sa saliw naman ng ‘90s hit na Cha Cha Slide umariba si Big Game James.

“#marikitdancechallenge #tiktokph #tiktokphilippines,” ang caption ng three-time NCAA MVP na si Soltones at may kasama pang nakakatuwang mga emoji.

Habang ang IG account na @bayanngros ang nagpost ng sayaw ng four-time PBA Finals MVP at may caption ito na: “James Yap with some tiktok dance moves. #BayanngROS #TikTokTuesday.”