Pampanga may homecourt advantage
Balanga City – Nakamit ng Pampanga ang homecourt edge habang nanatiling buhay ang tsansa ng Cebu sa playoffs ng Chooks-To-Go MPBL Lakan Season kamakalawa ng gabi dito sa Bataan People’s Center.
Pinatumba ng Pampanga Giant Lanterns ang Pasig-Sta. Lucia Realtors, 71-62 para sa kanilang pang-walong sunod na ratsada at angkinin ang No. 4 spot patungo sa North division playoffs.
Hinablot ng Pampanga ang homecourt advantage sa playoffs na maaaring laban sa Bulacan Kuyas o Bataan Risers.
Nakatiyak na ng playoffs berth, itinala naman ng Ri-sers ang 82-76 panalo laban sa Marikina Shoemasters.
Umiskor si Gary David, ang dating five-time PBA all-star, ng 16 points na kinatampukan ng apat na triples para sa 20-10 baraha ng Bataan at ungusan ang Bulacan Kuyas (19-10) sa fifth spot sa North.
Tinalo naman ng Cebu Casino Ethyl Alcohol ang Parañaque-Yabo Sports, 79-70 para manatiling buhay ang pag-asa sa No. 8 spot sa South division. May 15-14 record ang Cebu sa ilalim ng General Santos City Warriors (16-11).
- Latest
