Nagdeliber ang Philippine kickboxing team

MANILA, Philippines – Sa unang salang ng kickboxing sa Southeast Asian Games, nakapagdeliber ang mga Pinoy fighters ng tatlong gintong medalya para magkaroon ng ambag sa overall title ng Team Philippines sa ika-30th edisyon ng biennial meet.

Inihatid ni Jerry Oslim ang unang ginto sa pilipinas sa kickboxing competition nang dominahin nito si Thai Sarayut Klinming, 3-0 sa Men’s 69kg kick light finals.

Pinabagsak naman ni Gina Iniong, na miyembro ng Team Lakay, ang katunggaling si Apichaya Mingkhwan ng Thailand, 3-0 sa gold medal match ng Women’s 55kg King Light Category.

Nagpakita naman ng liksi ang MMA Star na si Jean Claude Saclag nang pataubin nito si Malaysian Mohammed Bin Mahmoud, 3-0 sa Men’s 69kg kick light finals.

Bukod sa gold medal, nakapag-uwi rin ng silver medal ang kababayan nilang sina Renalyn Daquel sa women’s 48kg kickboxing category at Jomar Balangui sa men’s 54kg low kick category.

Nag-uwi naman ng Bronze Medal sa 51kg full contact category si Karol Maguide.

Sa pagtatapos ng kumpetisyon, pumapa-ngalawa ang Pilipinas sa likod ng Vietnam na nakaapat na gold at isang bronze.