NU teams sa finals ng lawn tennis

MANILA, Philippines — Umabante ang National University men’s at wo­men’s teams sa championship round mula sa ka­nilang magkahiwalay na panalo sa UAAP Season 81 lawn tennis tournament sa Colegio de San Agustin courts sa San Jose Del Monte, Bulacan.

Inangkin ng Bulldogs ang unang Finals seat matapos sibakin ang dating kampeon na University of the East, 3-0, sa una nilang Final Four stint.

Nilusutan naman ng Lady Bulldogs ang Ateneo Lady Eagles, 3-2, sa kanilang ‘do-or-die’ playoff pa­ra sa huling  championship berth.

Lalabanan ng Bulldogs ang Blue Eagles, nagtala ng 3-2 panalo sa University of Santo Tomas sa isa pang semis match, para sa best-of-three series.

Makakatapat naman ng Lady Bulldogs ang La Salle Lady Archers sa Finals.