Laurente tiyak na sa bronze medal

MANILA, Philippines — Namamayagpag pa rin ang Pilipinas sa 2018 AIBA Youth Men’s and Women’s World Championships matapos sumungkit ng puwesto sa se­mifinals si Criztian Pitt Laurente sa laban sa Duna Are­na sa Budapest, Hun­gary.

Walang sinayang na sandali si Laurente nang pakawalan ang matata­lim na suntok para maitarak ang 4-1 unanimous decision win kontra kay Asian Youth Cham­pionship quarterfinalist Daniyal Shahbakshsh ng Iran sa quarterfinals ng men’s bantamweight (56 kg.) division.

Susubukan ng Children of Asia gold me­dalist na si Laurente na ma­kasikwat ng puwesto sa finals sa pakikipag­tipan kay Abdumalik Kha­lokov ng Uzbekis­tan na nagtala ng impre­sibong second-round referee-stopped-contest kay Laion Martinelle Du­raes Souza ng Brazil sa kanilang quarterfinal bout.

Sa pagpasok sa se­mis ay makasisiguro na si Laurente ng tansong medalya – mala­king ba­gay upang hindi umuwing luhaan ang dele­gasyon.