SBP naniniwalang makakalaro si Clarkson sa FIBA Asia meet

TAIPEI – Nananati­ling kumpiyansa ang Sa­mahang Basketbol ng Pi­lipinas na makakasama si Fil-Am NBA player Jordan Clarkson para sa kampanya ng Gilas Pilipinas sa 2015 FIBA Asia Championship na nakatakda sa Setyembre 23 hanggang 3 sa Changsha, China.

“It’s still a work in prog­ress but with better cla­rity,” sabi ni SBP vice chair­man Ricky Vargas ma­tapos makausap sina Los Angeles Lakers team pre­sident Jeanie Buss at ge­neral manager Mitch Kup­chak sa LA.

Ayon kay Vargas, pa­yag ang mga Lakers offi­cials na maglaro si Clarkson para sa national team sa long-term program.

Ngunit hindi pa mali­naw kung papayagan si Clarkson na maglaro sa Asian meet dahil pag-u­usapan pa ito ng mga La­kers coaches lalo na at na­katakda ang kanilang me­dia day sa Setyembre 28 kasunod ang training camp sa Hawaii sa Set­yembre 29 hanggang Oktubre 7.

Sa Asian meet, ang Ok­tubre 1 hanggang 3 ay pa­ra sa quarterfinals, se­mi­finals at final.

“They requested some time to talk to the Lakers coaches,” ani Vargas.

Idinagdag din ni Vargas na naging positibo ang kanilang pakikipag-usap sa ama ni Clarkson na si Mike.

“(He’s) appreciative of reception his son received from the Filipino basketball fans and from Gilas Pi­lipinas team,” sabi ni Var­gas kay Mike.

“They asked to review the arrangement and wanted assurance that we secure Lakers permission to allow him to skip three days of training camp,” dagdag pa ng SBP official.

Kailangan ding mapa­nalisa ng SBP ang Final 12 para sa FIBA Asia Championship dahil ang deadline ay nakatakda sa Setyembre 8.

Habang nakausap na nina Vargas at PBA board member Patrick Gregorio ang mga Lakers officials at ang ama ni Clarkson sa Los Angeles, nasa Gene­va, Switzerland naman si SBP executive director Sonny Barrios para ma­kakuha ng FIBA clea­rance ni Clarkson bilang isang regular Gilas player.

Isinama si Clarkson sa 24-man Gilas pool na isi­numite ng SBP sa FIBA Asia.