Jackie Chan tutulong sa bid ng Beijing
BEIJING – Plano ni martial arts actor Jackie Chan na magpakawala ng isang kung fu death kick sa hangarin ng Kazakhstan na pamahalaan ang 2022 Winter Olympics.
Ito ay sa pamamagitan ng pagre-record ng kanta para sa kampanya ng Beijing.
Ang kantang “Wake up Winter” ay patutugtugin sa unang pagkakataon sa pagbisita ng International Olympic Committee evaluation committee sa Chinese capital sa Marso 24-28.
Hangad ng Beijing na maging unang siyudad na namahala ng Winter at Summer Olympics.
Paborito din ang Beijing na manalo laban sa Almaty, Kazakhstan sa paghahayag ng kandidato sa Hulyo sa IOC session sa Malaysia.
Si Chan ay nakasama din sa 2008 Beijing Olympics sa pagre-record ng kantang “We are Ready” patungo sa pagdaraos ng Games.
Kinanta din niya ito sa closing ceremony.
Nakapag-record na ang 60-anyos na Hong Kong actor, director at producer, kilala sa kanyang mga high-flying stunts na napanood sa kanyang 100 pelikula, ng ilang albums sa English at Cantonese.
- Latest
