San Beda kontra sa JRU sa NCAA opening

Laro sa Hunyo 28

(MOA Arena, Pasay)

11:30 a.m. Opening Ceremonies

1 p.m. Jose Rizal vs San Beda (Srs)

3 p.m. San Sebastian vs Letran (Srs)

MANILA, Philippines - Sisimulan ng San Be­da Red Lions ang ka­nilang kampanya para sa 90th NCAA season sa pag­sagupa sa Jose Rizal Heavy Bombers sa Hun­yo 28 sa Mall of Asia Are­­na sa Pasay City.

Maghaharap ang San Beda at ang Jose Rizal sa ganap na ala-1 ng hapon ma­tapos ang opening ce­remonies sa alas-11:30 ng umaga.

 Asam ng Red Lions na makasama ang San Se­bastian Stags (1993-1997) at ang Mapua Red Ro­bins (1968-1972 at 2009-2013) na naging ‘five-peat’ champions.

“We lost some players including our team captain,” sabi ni San Beda coach Boyet Fernandez kay Rome dela Rosa.

“But we retained majority of the core from last year’s champion team and we hope that will help us to make another run for the title,” dagdag pa nito.

Sa alas-4 ng hapon ay magtatapat naman ang 2013 runner up Letran Knights at San Sebastian Stags.

Samantala, inaasa­han namang magdedesisyon ang NCAA Management Committee kung tuluyan nang gagawing regular mem­bers ang Emilio Agui­naldo College at ang Ly­ceum.

Ang lahat naman ng mga laro ng NCAA ay ma­papanood sa TV5 at Aksyon TV.

“We are going to challenge everyone to show their true colors and hopefully it leads us to a slam bang season,” sabi ni Sports5 head Chot Reyes sa pagsasaere ng mga ak­syon sa TV5 simula sa alas-2:30 ng hapon.