Dating car rally champ lalaro sa Superliga
MANILA, Philippines - Palalakasin ni dating car rally champion Vip Isada ang Via Mare Men’s Volleyball Club para sa darating na 2014 Philippine Superliga All-Filipino Conference, inihahandog ng PLDT Home DSL na hahataw bukas sa Cuneta Astrodome.
Si Isada ay isang dating national volleyball player at national coach at mentor ng UP squad sa UAAP.
Ipaparada ni Isada ang mga miyembro ng UP Alumni volleyball team para katawanin ang Via Mare sa premier club volleyball league na nasa kanilang ikalawang season at gagamit ng temang “Ito ang volleyball!â€
“Vip is acknowledged as a living legend in men’s volleyball. And like Richard, he has played other sports as well and excelled in the sport of car racing,†sabi ni Ramon ‘Tats’ Suzara, ang PSL president at pinuno ng nag-oorga-nisang Sportscore. “Their presence in the PSL courts will make competitions even tougher this time.â€
Magbabalik din sa torneo si actor Richard Gomez, isang multi-sports practitioner na mamumuno para sa Systema Active Smashers na sumegunda sa PLDT TVolution Po-wer Attackers noong 2013 PSL Grand Prix.
Ang iba pang makakatapat ng PLDT, Systema at Via Mare ay ang Instituto Estetica Manila at Cignal HD Spikers.
Sa women’s division, babanderahan naman ng two-conference champion Philippine Army, dadalhin ang pangalan ng Generika Drugstore, ang labanan.
Hahamon sa Lady Troopers ang Cignal HD Spikers na binigo nila sa finals ng nakaraang Invitational and Grand Prix.
- Latest
