Papakitaan ni Pacquiao si Bradley
MANILA, Philippines - Inaasahan ni Manny Pacquiao ang mas maga-ling na Timothy Bradley, Jr. sa kanilang rematch sa Abril 12 sa MGM Grand sa Las Vegas, Nevada.
Ito ay upang maipakita niya kay Bradley, magdedepensa ng kanyang suot na World Boxing Organization (WBO) welterweight crown sa pangatlong sunod na pagkakataon, na taglay pa rin niya ang kanyang ‘killer instinct’.
“I’m expecting a better Tim Bradley than I fought in the first fight,†sabi kahapon ni Pacquiao bago ang kanyang media workout sa Wild Card Boxing Gym sa Hollywood, California.
“He proved in his last two fights with (Juan Manuel) Marquez and Ruslan (Provodnikov) that he’s a better fighter now. He proved his toughness against Ruslan. I’m prepared for that kind of fight,†dagdag pa ng Sarangani Congressman.
Matapos agawin kay Pacquiao ang WBO welterweight title via split decision noong Hunyo 9, 2012 sa MGM Grand ay matagumpay itong naidepensa ni Bradley kontra kina Provodnikov at Marquez noong Marso at Oktubre, ayon sa pagkakasunod noong 2013.
Sinabi ni chief trainer Freddie Roach na kung gusto ng 35-anyos na si Pacquiao na manalo sa 30-anyos na si Bradley sa kanilang rematch ay dapat maging mas agre-sibo si ‘Pacman’.
Kung makikipagsabayan si Bradley ay malaki ang tsansa ni Pacquiao na mapabagsak ang American champion.
“He loves to exchange and when he does, he swings a little wild. I think Manny can catch him during one of these exchanges,†sabi ng five-time Trainer of the Year awar-dee kay Bradley.
- Latest
