Butler ini-waive ng Bucks

MILWAUKEE -- Ini-waive ng Milwaukee Bucks si forward Caron Butler nitong Huwebes matapos magkasundo sa contract buyout.



Ang 33-gulang na si Butler, tubong Racine, Wisconsin ay naging starter ng 13 beses at lumaro sa 34 games ngayong season, at may average na 11.0 points, 4.6 rebounds at 1.6 assists.



“It’s been a dream come true to wear the Milwaukee uniform, which so many of my idols growing up wore,’’ sabi ni Butler sa statement ng team.



Ang dating Connecticut star ay nag-average ng 15.3 points, 5.4 rebounds at 2.5 assists sa 764 regular-season games sa 12 NBA seasons sa Miami, the Los Angeles Lakers, Washington, Dallas, Los Angeles Clippers at Milwaukee.