Warriors umiskor kontra sa Magic

ORLANDO, Fla. -- Hin­di problema para sa Gol­den State Warriors ang pag-iskor.

Ngayon ay nakikilala na sila bilang isang defensive team.

Ginamit ng Warriors ang half-court defensive pres­sure para talunin ang Or­lando Magic, 94-81.

“Defense is not something we’re known for,” sa­bi ni  forward David Lee na binanderahan ang Warriors mula sa kanyang 22 points. “Everyone looks at our team and the ability to shoot the ball and score, but we’re a Top 10 defensive team too.”

Nilimita ng Warriors ang Magic sa 38 percent shooting at lumamang ng 12 points sa first quarter at uma­bante ng 23 markers sa halftime.

“That’s the 14th time we’ve held a team under 40 percent so we’ve got to get some recognition as far as the way we defend,” wika ni Golden State coach Mark Jackson. “We de­fended from the opening jump and were really locked in the whole night.”

Ito ang ikaanim na sunod na panalo ng Golden State.

Nag-ambag si Klay Thompson ng 15 points at may 12 si Kent Baze­more at 10 si Marreese Speights pa­ra sa Warriors.

Sa Oklahoma City, bu­mangon ang Portland Trail Blazers mula sa dalawang sunod na kamalasan para biguin ang Thunder, 98-94.

Kumolekta si LaMarcus Aldridge ng 25 points at 14 rebounds para akayin ang Blazers mula sa isang 13-point second-half deficit at gibain ang Thunder.