Evans nagbida sa Pelicans
NEW ORLEANS -- Nagsalpak si Tyreke Evans ng isang pull-up jumper sa natitirang 1.2 segundo para itakas ang New Orleans Pelicans kontra sa Portland Trail Blazers, 110-108.
Bago ang naturang basÂket ni Evans ay tumipa muÂna si Damian Lillard ng isang three-pointer para itabÂla ang Blazers sa 108-108.
Ito ang ikaapat na sunod na panalo ng Pelicans sa kanilang balwarte.
Humugot si Jrue Holiday ng 15 sa kanyang season-high na 31 points sa fourth quarter at dinuplika ang season high na 13 assists para sa Pelicans.
Nagdagdag si Anthony Davis ng 27 points, 12 rebounds at 5 blocks, habang tumapos si Evans na may 20 points.
Pinuwersa ni Davis si LaMarcus Aldridge na tumira sa baseline sa huÂling posesyon ng Portland na tumama sa itaas ng backboard sa pagtunog ng buzzer.
Umiskor si Lillard ng 29 points at may 28 si Aldridge para sa Portland (24-7) na nalasap ang kanilang ikalawang dikit na kabiguan.
Sa Denver, nagbalik si LeBron James sa line-up muÂla sa isang groin injury paÂra magÂtala ng 26 points sa kanyang kaarawan at ihaÂtid ang Miami Heat sa 97-94 panalo kontra sa DenÂver Nuggets sa kabila ng pagkawala sa laro nina Dwyane Wade at Norris Cole.
Nagkaroon ng injury ang 29-anyos na si James sa overtime loss ng Miami sa Sacramento noong Martes.
Hindi siya naglaro sa 108-107 panalo ng Heat laÂban sa Portland Trail BlaÂzers sa kanilang sumunod na laro.
- Latest
