Harden, Howard nagbida para sa Rockets

HOUSTON -- Umiskor si James Harden ng 34 points, habang huma­kot ng 13 points at 16 rebounds si Dwight Ho­ward para pangunahan ang Rockets sa 113-105 paggupo sa Dallas Mave­ricks.

Matapos ma­kalapit sa 83-91 agwat sa 8:00 mi­nuto sa fourth pe­riod ay nakamit naman ni scorer Dirk Nowitz­ki ang kanyang ikaanim at huling foul matapos sa­bayan ang fast-break layup ni Har­den.

Isinalpak ni Harden ang free throw na nagpa­si­mula sa ratsada ng Roc­kets para kunin ang isang 16-point lead, 99-83.

Tumapos si Nowitz­ki na may 22 points para ban­derahan ang Dallas.

Sa New York, ipinalasap ng Brooklyn Nets ang ikalawang sunod na ka­biguan ng Miami Heat nang kunin ang 101-100 panalo.

Umiskor sina Paul Pierce at Joe Johnson ng tig-dalawang free throws sa dulo ng fourth quarter para sa tagumpay ng Nets.

Sa Los Angeles, bi­ni­go ng San Antonio Spurs ang Los Angeles Lakers, 91-85, tampok ang 24 at 20 points nina Tony Par­ker at Manu Ginobili, ayon sa pagkakasunod.