AFP, PhilHealth nakauna
Laro sa October 6
( Treston College Gym, Global City, Taguig)
4 p.m. – PNP vs PhilHealth
5:30 p.m. – AFP vs Judiciary
MANILA, Philippines - Hindi na nagpatumpik-tumpik pa ang Armed Forces of the Philippines (AFP) at PhilHealth nang kanilang durugin ang Congress/LGU at Metro Manila Development Authority (MMDA) sa 1st UNTV Cup quarterfinals noong Linggo sa Treston College Gym sa Global City, Taguig.
May 27 puntos si Wins-ton Sergio habang 25 ang naihatid ni Wilfredo Casulla para sa AFP na naglaro ng wala ang dalawang higante para umabante na sa semifinals.
Si Richard Dominic Hernandez ay mayroong 17 puntos para pamunuan ang tatlong manlalaro ng PhilHealth upang kunin ang 87-65 panalo sa MMDA sa isa pang laro.
Sa Oktubre 6 gagawin ang semifinals at kalaro ng PhilHealth ang No. 1 team na Philippine National Police (PNP) habang ang AFP ang kalaro ng Judiciary.
Dahil umabante agad mula sa elimination round nang pangunahan ang yugto, ang PNP (6-0) at Judiciary (4-2) ay may bitbit na twice-to-beat advantage sa kanilang mga kalaro.
- Latest
