Racing, IAA sa PSA Forum
MANILA, Philippines - Isang malaking racing event at isa pang collegiate league na bubuksan nga-yong 2013 season ang pag-uusapan ngayong umaga sa PSA Forum sa Shakey’s Malate.
Tatalakayin nina Congressman Amado Bagat-sing at Nathan Mazon ng Manila Jockey Club Inc. ang Bagatsing Racing Cup sa Carmona, Cavite.
Makakasama nila sa sesyong inihahandog ng Shakey’s at ng Philippine Amusements and Gaming Corporation at isinasaere sa DZSR Sports Radio 918 sina Cecille Villanueva at Atty. Dondon Bagatsing.
Dadalo din sa pang alas-10:30 ng umagang forum ang mga opisyales ng Interscholastic Athletic Association na sisimulan ang kanilang pang-limang season bukas sa Astrodome sa pangunguna nina president Ruel dela Rosa ng Manila Tytana College, vice-president Melai Tolentino ng Feati University at auditor Crispulo Onrubia ng Phi-lippine Merchant Marine School.
- Latest
