Iguodala kinuha ng Warriors para sa isang $48-M contract

OAKLAND, Calif. -- Nagkaroon na ng kasundu­an ang Golden State Warriors at si swingman Andre Iguo­dala para sa isang $48 million, four-year deal.

Sinabi ng isang source na pinaluwag ng Warriors ang kanilang salary cap ng $24 milyon matapos dalhin si­na Richard Jefferson, Andris Biedrins at Brandon Rush sa Utah Jazz kasama ang ilang draft picks.

Tanging kinuha ng Warriors si Kevin Murphy at ang kanyang non-guaranteed na $788,000 deal para sa susunod na season.

Makakatanggap ang Utah ng ilang draft picks mula sa Golden State, kasama dito ang 2014 at 2017 first-round picks.

Pinakawalan ng Golden State ang kanilang mga pla­­yers na may expiring contracts para makuha si Iguo­­dala.

Umabante ang Warriors sa second round ng naka­raang playoffs sa likod ni point guard Stephen Curry.

Nagtala si Iguodala ng mga averages na 13 points, 5.4 assists at 5.3 rebounds sa nakaraang season para sa Den­ver Nuggets.

Natalo ang Nuggets sa Warriors, 2-4, sa opening round ng nakaraang playoffs.

Ang unang walong taon ni Iguodala ay ginugol ni­ya sa Philadelphia 76ers.