Lyceum pinayukod ang Mapua mula sa depensa

MANILA, Philippines - Nag-init ang mga kamay ni Dexter Zamora, ha­bang bumalik ang shooting form ni Shane Ko at ang Lyceum ay bu­mangon mula sa huling pag­katalo sa 74-59 panalo sa Mapua sa 89th NCAA men’s basketball tournament kagabi sa The Arena sa San Juan City.

May 22 puntos, 2 re­bounds at 2 assists si Za­mora, habang si Ko ay nagdagdag ng 15 puntos at tig-limang rebounds at assists para ibigay sa Pirates ang 2-1 karta.

“Gusto kong  maka-con­tribute sa team  at sa past games namin ay hindi ako maka-shoot. Kaya ta­lagang nag-practice ako ng shooting,” wika ni Za­mora.

Si Wilson Baltazar ay naghatid ng 10 puntos, ha­bang ang depensa ng Ly­ceum kina Joseph Erio­bu at Kenneth Ighalo ang isa ring malaking rason sa pagkapanalo ng koponan.

Sina Eriobu at Ighalo ay gumawa ng 30 at 21 puntos, ayon sa pagkakasunod, sa 104-99 double overtime win laban sa San Sebastian sa huling la­ro pero laban sa Pirates ay nalimitahan lamang sa pi­nagsamang siyam na pun­tos.

“Hindi tulad sa mga last game namin, gumana nga­yon ang aming depensa,” pahayag ni Lyceum coach Bonnie Tan.

Sina JC Cantos at Mark Brana ang bumali­kat sa opensa ng tropa ni coach Atoy Co sa 16 at 15 puntos, ayon sa pagkaka­su­nod.

Samantala, kinuha ng Jose Rizal Light Bom­bers ang ikatlong sunod na panalo mula sa 67-61 pananaig sa Letran Squires, ha­bang nagtala din ng panalo ang Mapua Red Ro­bins matapos ang tatlong laro sa 91-58 pagdurog sa Lyceum Junior Pirates sa mga laro sa juniors. (AT)

(Juniors)

Mapua 91 -- Lugo 19, Ca­bural 13, Serrano 12, Concepcion 8, Villasenor 6, Mumar 5, Pascua 5, Aguirre 5, Rivera 4, Calderon 4, Rivera 4, Velvez 2, Magpayo 2, Victoria 0,

Lyceum 58 -- Cecilio 19, Menil 16, Soriano 7, Fajardo 6, Beroya 5, Taladua 4, Lagman 1, Castañeda 0, Pere 0, Agdon 0.

Quarterscores: 18-14; 43-34; 66-48; 91-58.

(Seniors)

Lyceum 74 — Zamora 22, Ko 15, Baltazar 10, Francisco 8, Mbomiko 8, Azores 7, Ambohot 2, Mendoza 2, So­liman 0, Lacastesantos 0, Taladua 0, Alanes 0, Garcia 0, Lesmoras 0.

Mapua 59 — Cantos 16, Brana 15, Saitanan 9, Eriobu 6, Magsigay 4, Ighalo 3, Estrella 3, Isit 3, Gabo 0.

Quarterscores: 14-10; 32-28; 50-47; 74-59.