Rapper Jay-Z certified player agent na

NEW YORK – Certified player agent na ang rapper na si Jay-Z.

Binigyan na ang sikat na rapper ng certificate ng NBA players’ association, ayon sa spokesmen ng union at Roc Nation Sports noong Huwebes.

Ngunit hindi pa maliwanag kung ano ang maaari niyang gawin.

Posibleng kailangan niyang ibenta ang kanyang maliit na share sa Brooklyn Nets bago siya mag-represent ng mga player, ayon sa NBA rules at walang sagot ang Roc Nation spokesman kung nagawa na ito.

Unang iniulat ng Sports Business Journal ang certification ni Jay-Z.

Maraming pinanood si Jay-Z na laro ng Nets sa katatapos lamang na season ngunit siya ang isa sa malaking dahilan sa rebranding ng team sa kanilang unang  season sa Brooklyn, maging sa black-and-white uniforms sa kanyang concerts.

Kaibigan siya ng ilang sports superstars kaya ‘di malayong magiging tagumpay ang kanyang agency na Roc Nation.