Letran, San Sebastian mag-uunahan sa pagsilip ng kanilang tsansa sa quarters

MANILA, Philippines - Mag-uunahan ang Le­tran at ang San Sebastian na buhayin pa ang mga nan­lalamig nilang kam­panya sa Shakey’s V-League Season 10 First Conference sa  tampok na laro sa pagpapatuloy ng mga labanan sa The Are­na sa San Juan City.

Parehong hindi pa nananalo ang Lady Knights at Lady Stags matapos ang dalawang laro kaya’t ti­yak na ang panalong ma­hahagip sa larong iti­nakda sa ganap na alas-4 ng hapon ay makakatulong para pataasin muli ang kani-kanilang kumpiyansa.

Ang nagdedepensang kampeon at walang ta­long Ateneo at Universi­ty of Sto. Tomas ang naka­usad na sa quarterfinals sa Group A, habang ang La Salle Dasmariñas ay nag­hahabol ng puwesto.

Pamumunuan ang La­dy Stags ng mahusay na si Thai player Jeng Bualee, ngunit kailangang magi­sing din ang ibang kakampi para mabig­yan ito ng suporta at maging mas madali ang hanap na panalo sa palaban ding Lady Knights.

Walisin ang Group B ang hangad ng National University sa pagsukat sa lakas ng NCAA champion Perpetual Help sa unang laro sa ganap na alas-2 ng hapon.

Nauna nang pinataob ng Lady Bull­dogs ang Arellano, Adamson at Uni­versity of San Carlos Ce­bu matapos sandalan si 6-foot-2 Dindin Santiago na gu­mawa ng 59 puntos.