Maganda ang takbo ng Gold Caviar

MANILA, Philippines - Nagpatuloy ang ma­gandang takbo ng Gold Caviar nang manalo no­ong Biyernes ng gabi sa San Lazaro Leisure Park sa Carmona, Cavite.

Second choice ang na­sabing kabayo sa pitong naglaban pero handa ang Gold Caviar at ang hine­te nitong si Jan Alvin Gu­ce na ipakita na sila ang may pinakamagandang kon­disyon sa mga tu­makbo matapos hiyain ang hamon ng dehadong Ab­solute.

Limang kabayo,  kasama ang Gold Caviar, ang na­sa unahan at nakaangat ng bahagya ang  Blue Ma­terial bago hinataw ni Guce ang sakay na ka­bayo para kunin ang li­derato sa huling 75-metro ng 1,300m karera.

Pabulusok na rin ang da­ting ng Absolute ni ap­prentice jockey RA Ali­cante at pinalad itong ma­ungusan ng kanyang ulo ang nakadikit na Ma­lambing para sa ikala­wang puwesto.

Ang Blue Material ang pumang-apat sa dati­ngan.

Umani ng premyong P179,958.00 mula sa P670,281.00 ang sales sa daily double ng kabayong pag-aari ni Hermie Esguerra at dahil dikit-dikit ang benta.

Ito ay umabot sa P58.50 ang dibidendo sa win, habang P91.50 ang  igi­­­nawad sa 3-6 forecast.

Nakatikim ng unang pa­nalo bilang isang three-year old ang kaba­yong Hel­lo Mamsy sa pag­da­da­la ni Rustico Tel­les na nangyari sa 3YO Han­di­cap Race (02).

Ang anak ng Enjoyment at Andee’s Wind ay naghatid ng P19.50 sa win, habang ang 2-5 forecast ay naghatid ng P129.00 dibidendo.