Tumabo si Guce
MANILA, Philippines - Bukod sa pagiging winningest jockey, may posibilidad din si Jessie Guce na maging Number One sa career earnings ng mga hinete.
Sa talaan ng Philracom, si Guce ay napag-iiwanan na lamang ng mahigit na P2 milyon ni Pat Dilema sa kabuuang kinita sa industriya.
Ang talaan ay hanggang Disyembre 23 at si Guce ay nagkamal na ng P43,449,826.83 kumpara sa career earnings ni Dilema na nasa P45,619,366.11.
May walong araw pa bago matapos ang taong 2012 at maaaring magkaroon ng lider sa aspetong ito sa Enero 1, 2013.
Si Jonathan Hernandez ang ikatlong hinete na kumabig na ng mahigit na P40 milyon kita sa horse racing sa kanyang P41,226,579.40.
Nasa malayong ikaapat na puwesto si Fernando Raquel Jr. sa kanyang P30,817,645.00, habang si Jeff Zarate ang nasa ikalimang puwesto sa P25,840,884.94.
Dikitang sina Dominador Borbe Jr. at Antonio Alcasid Jr. dahil wala pang kalahating-milyon ang layo nila sa isa’t isa.
Si Borbe ang nasa ikaanim na puwesto sa P21,740,733.02 kita laban sa P21,303,994.66 ni Alcasid.
Si Val Dilema ang nasa ika-walong puwesto sa P20,760,733.18, at sinundan ni JA Guce sa P18,677,694.60 at JB Cordero sa ika-sampung puwesto sa P17,333,440.87.
Una naman si Guce hanggang buwan ng Nobyembre na P5,646.021.75 at sumunod si Hernandez sa kanyang P4,017.151.03 at Dilema sa kanyang P3,680,056.74.
- Latest
