Hiyasmin (77)

“Sana pagkatapos ko, makahanap agad ako ng trabaho,’’ sabi ni Hiyasmin.

“Posibleng makahanap ka kaagad dahil matalino ka.’’

“Sana nga Sir Dax. Gusto ko kasi kapag kumikita na ako ay makapagbayad sa iyo.’’

“Huwag mo munang isipin ang pagbabayad—saka na ‘yun. At saka hindi naman ako naniningil.’’

“Yun po kasi ang una kong naisip—ang magbayad.”

“Huwag mong isipin ‘yun, okey?’’

“Opo Sir Dax.’’

“Siyanga pala, baka may mga pagbabayaran ka pang graduation fees e sabihin mo lang. Huwag kang mahihiya.’’

“Opo. Baka bukas po e malaman ko kung ano pa ang mga babayaran ko.’’

“Mas mabuting mabayaran na habang maaga para hindi ka naaabala sa pag-aaral. Tiyak na marami kang pag-aaralan dahil ­graduating na. Gagawa pa kayo ng thesis di ba?”

“Opo. May thesis ­proposal na po ako. Baka maaprub na next week. Sisimulan ko ng gawin para hindi ako nagmamadali.’’

“Tama ‘yun. Nung nag-aaral ako, nagkumahog ako sa paggawa ng thesis—ayun mababa ang nakuha kong grade.’’

“Di po ba masscom ka rin Sir Dax?’’

“Oo.’’

“Sana katulad mo, makapagtrabaho agad ako.’’

“Makakahanap ka agad, Hiyasmin. Mark my words!’’

KINABUKASAN nang papasok na sa school si Hiyasmin, tinanong siya ni Dax.

“May bookstore ba sa malapit sa university n’yo, Hiyasmin?’’

“Meron po. Bakit po Sir Dax?’’

“May bibilihin akong books. Magkita tayo roon para sabay na tayong uuwi. Magkita tayo ng 6:00 p.m.’’

“Sige po Sir Dax.”

(Itutuloy)