Heaven, masaya ang karanasan kay Alden

Isang masayang karanasan para kay Heaven Peralejo ang ginawang bagong pelikula. Bukod sa pagiging aktor ay si Alden Richards din ang naging direktor ni Heaven sa pelikulang Out of Order. “Tapos na ‘yung shoot. Ang ganda ng film na ‘yon. Hopefully this year ilalabas,” nakangiting bungad ni Heaven. 

Napahanga raw ang dalaga sa ipinakitang talento ni Alden sa naturang pelikula. Para kay Heaven ay sobrang bait din na katrabaho ng binata. “Sobrang bait ni Alden, wala akong masabing iba. And then ang galing niya kasi he switches from an actor to director. So like kahit on take, ‘5, 4, 3, 3, 1’ siya ang nagsasabi no’n. Tapos siya rin ang mag-act kasi kausap ko siya kunwari. So ang galing niyang artista,” kwento ng aktres.

Ayon kay Heaven ay ‘sweet’ ding katrabaho si Alden. May pagkakataong nagulat daw ang dalaga dahil sa ginawa minsan ng aktor at direktor. “Ang sweet, may one time, sabi ko, ‘Direk! Paprutas ka naman!’ Joke lang naman, parang 20 minutes after, boom! May mga basket of fruits na sa set na binigay rin namin sa mga kasamahan namin,” dagdag pa ng dalaga.

Markki, handa na sa mr. Universe

Si Markki Stroem ang magiging kinatawan ng Pilipinas para sa Mr. Universe 2024 na gaganapin sa California ngayong Setyembre. Noong isang taon daw nalaman ng singer-actor ang tungkol dito. “I was appointed. I got a message from the people in the States because they saw me host Love Yourself’s Love Gala with Pia Wurtzbach and Catriona Gray. I guess I spoke so eloquently about HIV and my advocacy for it that it reached the States, I guess. They asked me if I wanted to compete. I’ve never competed in a pageant in my life before. So, I said, ‘You know what? You’re only young once, so take it!’ I decided I would come and represent the Philippines this time around and see what I can do in the pageant scene,” pagdedetalye ni Markki.

Para sa singer-actor ay nakahanda na siyang makipagtagisan ng kakayahan sa mga makakalaban sa nalalapit na kompetisyon dahil na rin sa kanyang mga karanasan. “I have multiple contracts in the fashion world, in radio as a speaker. And then I’m well-built. I’ve been working out for years. I was a model for a while. I guess my entire career has built me up for this which I’m happy about. Because normally, people join pageants without doing anything and now with this wealth of experience in all fields in entertainment, I can come as prepared as ever to represent our lovely country,” paliwanag niya.

Ngayon ay abala si Markki sa paghahanda para sa stage musical na Rent na mapapanood na simula April 19. Bukod sa mga proyektong nakalinya ngayong taon ay pinaghahandaan na rin ng singer-actor ang mga isusuot para sa nalalapit na Mr. Universe pageant. “I’m doing another production after this one (Rent). I’ve already talked to fashion designers and they’ve already creating my outfits like Francis Libiran and Mark Bumgarner. I’m just speaking to some of my favorites and some of my really good friends in the industry who have created some of the finest gowns of Miss Universe and some male pageants as well. I want to see how far I can get over there, whatever happens,” nakangiting pagbabahagi ng binata. — Reports from JCC