16-anyos na estudyante, sinaksak ng kainumang estudyante
MANILA, Philippines — Isang saksak sa likod ang tinamo ng isang 16-anyos na estudyante mula sa kainuman nitong kapwa estudyante rin makaraang magkapikunan habang nag-iinuman kahapon ng madaling araw sa Brgy. Calibuyo,Tanza Cavite.
Inoobserbahan sa pagamutan ang biktima na kinilalang si Rainyl Bolina Hatol, residente ng Barangay Capipisa,Tanza, Cavite.
Naaresto naman ang suspek at nahaharap sa kasong frustrated homicide na kinilala sa alyas Carl, 18-anyos, residente ng Saint Agustin Village Barangay Daang Amaya 2, Tanza, Cavite.
Sa imbestigasyon ng pulisya, alas-12:10 ng madaling araw ay kapwa na lasing ang biktima at suspek at kapwa nang magkaroon ng pagtatalo.
Sa gitna ng pagtatalo ay nakakuha ng patalim ang suspek at sinaksak ang biktima sa likod.
Agad itong naitakbo sa pagamutan habang naaresto rin ang suspek sa tulong ng mga Brgy. opisyal ng nasabing lugar.
- Latest
