Dancer nahulog sa entablado, dedo
MANILA, Philippines — Isang dancer ang namatay matapos mahulog sa ginaganap na beauty contest nitong Miyerkules ng gabi sa Cebu City.
Ayon kay Inayawan Brgy. Chairman Kirk Repollo, may production number ang mga kandidata ng “Enchantress of Inayawan 2024” nang mangyari ang insidente.
Habang ginagawa aniya ang production number ng mga kandidata, isa sa dancer na babae ang tila hinimatay habang bumababa ng entablado.
Dito na umano nag-slide hanggang nagtuluy-tuloy na nahulog sa hagdan.
Agad namang dinala sa ospital ang biktima, subalit makalipas ang ilang oras binawian na ito ng buhay.
Inaalam pa ng mga opisyal ng barangay kung may sakit ang babaeng dancer bago sumayaw sa entablado.
Ayon naman sa Inayawan police, walang foul play sa insidente.
Nangako rin ang barangay na tutulong sa mga gastusin sa namatay na biktima.
- Latest