Rider sumemplang sa motorsiklo, tepok
![Rider sumemplang sa motorsiklo, tepok](https://media.philstar.com/photos/2024/07/25/3_2024-07-25_20-59-43.jpg)
MANILA, Philippines — Isang motorcycle rider ang nasawi nang sumemplang ang kanyang minamanehong motorsiklo nang mawalan ng kontrol habang binabaybay ang basa at madulas na kalsada sa Taytay, Rizal,kamakalawa.
Naisugod pa sa Rizal Provincial Hospital System ang biktimang si Dan Mark Anglo,29,negosyante, at residente ng Sitio Bagong Pag-asa, Brgy.Sta. Ana, sa Taytay, ngunit idineklara na ring dead on arrival ng mga doktor.
Batay sa ulat ng Taytay Municipal Police Station,alas-3:30 ng madaling araw nang maganap ang aksidente sa East Bank Road, Sitio Lambak, sa Brgy. San Juan, sa Taytay.
Kasalukuyan umanong minamaneho ng biktima ang kanyang motorsiklo at binabagtas ang naturang lugar nang bigla siyang mawalan ng kontrol sa behikulo bunsod ng basa at madulas na daan.
Dahil dito, sumemplang ang biktima at nagtamo ng matinding sugat sa ulo at katawan, na nagresulta sa kanyang agarang kamatayan.
- Latest